Mga nagpuyo sa Lot 15,block 14 sa North Reclamation demolison
CEBU, Philippines - Usa ka pribadong kompanya ang mihangyo sa kagamhanan sa dakbayan sa Sugbo nga tabangan sila nga mapapahawa ang mga informal settlers nga nagtukod og mga balay sa ilang yuta.
Ang Cebu Oversea Hardware Corporation Inc. mipadala og suwat-hangyo sa siyudad aron magamit nila ang ilang yuta sa Lot 15, Block 16 Reclamation Area.
Ang atubangang bahin sa yuta gustong bawion sa kompanya gikan sa mga squatters tungod kay nakababag na kini sa ilang plano nga pagpalapad sa ilang gate.
Gusto sa kompanya nga himoan og mas dakong bodega ang maong lugar alang sa ilang mga dagkong truck ug trailers.
Daan nang nakig-estorya ang tagdumala sa kompanya ngadto sa informal settlers niadto pang Hulyo 1 apan hangtod karun wa sila mamahawa.
Matud ni Bise Mayor Edgar Labella nga andam sila mobuhat og lakang sa maong problema apan kinahanglan una kining tun-an sa Konseho.
Matud ni Labella nga iyang ihatag ang trabaho sa pagsusi sa Division for the Welfare of the Urban Poor (DWUP) kinsa maoy in-charge sa samang mga problema. - /EIM) (BANAT NEWS)
- Latest
