Sinkhole mitumaw sa kinatarkan
CEBU, Philippines - Human sa pipila ka adlaw nga pagsige og ulan usa ka sinkhole ang nadiskubrihan kagahapon sa buntag sa sitio Dapdap, Barangay Langub sa Isla sa Kinatarkan sa lungsod sa Sta. Fe.
Matud pa sa Facebook page sa Provincial Information Office, si Mayor Jose Esgana miingon nga ang maong sinkhole may gilapdon nga 40x40 feet ug ila na kining gi-monitor.
Mga residente nga nagpuyo 300-500 metros duol sa maong sinkhole gipabakwit na sa kagamhanan sa Sta. Fe.
Gibana-bana nga 30 ka pamilya ang gipabakwit lang usa aron malikayan ang disgrasya.
Matud pa nga gipahibalo na ang maong sinkhole ngadto sa Mines and Geosciences Bureau ug sa Office of Civil Defense 7.
Nagpadala na ‘sab og team ang Provincial Disaster and Risk Reduction Management Office nga gipangulohan ni Baltz Tribunalo aron nga matabangan ang mga pamilya nga gipabakwit. - /EIM) (BANAT NEWS)
- Latest
