CEBU, Philippines- Hepe sa kapulisan sa dakbayan sa Sugbo, mimando sa kapulisan sa Talamban Police Station nga mo-focus na lang sa pagsulbad ug pagpakgang sa mga krimen sa ilang lugar ug igo na lang motabang sa anti-illegal drugs campaign sa mga special units sa ilang lugar.
Si Senior Superintendent Noli Romana, hepe sa Cebu City Police Office (CCPO) namahayag niini bahin sa estado sa kampanya sa kapulisan batok ilegal nga drugas sa matag area sa police stations.
Matud pa ni Romana nga ang City Anti-Illegal Drugs Special Operations Task Group (CAIDSOTG), City Intelligence Branch (CIB) ug uban pang mga special group sa dakbayan ang mohimo sa anti-drugs campaign. Ang hepe sa Talamban Police Station nga si Sr. Insp. Bienvenido Miral nga nahinabi sa Banat News ang mihangop ‘sab sa maong kalamboan tungod kay limitado ra gyud ang gidaghanon sa iyang mga sakop. - /EIM) (BANAT NEWS)