CEBU, Philippines - Nagdunggab sa ilang kaugalingon ang duha ka lalaki sa managlahing dapit sa probinsiya sa Sugbo diin usa ang patay samtang kritikal ang laing usa sa milabay’ng adlaw.
Sa lungsod sa Medellin, ang nagpakamatay ang usa ka Mark Rosos, 24, human nagdunggab sa dughan gamit ang kutsilyo sa sitio Alang-alang, barangay Maharuhay. Matud ni Chief Insp. Fructoso Lim, hepe sa Medellin Police Station, nga nahinabi sa Banat News nga duna’y problema sa pangisip ang nagpakamatay. Samtang sa dakbayan sa Danao, kritikal ang kahimtang sa usa ka lalaki human usab nagdunggab sa iyang dughan gamit ang Batangas knife. Misulay sa pagpakamatay si Renato Roble, 37, nagpuyo sa barangay Cambanay, dakbayan sa Danao.
Matud pa ni SPO4 Arestio Espina sa Danao Police Station nga nahinabi sa Banat News nga nakurat na lang ang asawa ni Roble human iyang nakita ang iyang bana nga nagkadugo na ug nagtaop ang kutsilyo sa iyang dughan.
Daling gidala sa Danao District Hospital si Roble apan gibalhin sa tambalanan sa dakbayan sa Sugbo. - /GMR) (BANAT NEWS)