SWAT Teams gipakatap sa probinsiya
CEBU, Philippines- Gipadala sa ubang dapit sa probinsiya sa Sugbo ang mga sakop sa Special Weapon and Tactics (SWAT) Teams sa Cebu Provincial Police Office (CPPO).
Si CPPO direktor Senior Supt. Noel Gillamac ang nangulo sa send-off ceremony kagahapon.
Unang gipadalhan sa tag napulo ka sakop ang lungsod sa Consolacion ug dakbayan sa Toledo.
Matud ni Gillamac nga gipagawas gikan sa CPPO Headquarters ang SWAT Teams aron dali kining makaresponde kung may motumaw nga insidente duol sa ilang nahimutangan.
Gituyo ni Gillamac ang pagpakatap sa SWAT aron mas daghan pa ang maserbisyohan sa labing dali ug labing sayon nga pamaagi. Hangyo ni Gillamac nga tabangan sa mga lokal nga kagamhanan ang grupo labi na sa pagpagamit sa sakyanan.
Dugang ni Gillamac nga duna pa’y ipadala nga SWAT Teams sa ubang lungsod ug siyudad gawas sa Consolacion ug Toledo. - /GMR) (BANAT NEWS)
- Latest
