U.S. Navy magtukod og classroom sa Toledo

CEBU, Philippines- Gikatakdang tukuron sa US Navy ang lima ka lawak saringan sa Poog Elementary School sa barangay Poog, dakbayan sa Toledo sunod buwan.

Matud ni Cindy Taran, prinsipal sa maong tunghaan, nga taud-taud na untang nasugdan ang pagpatukod sa maong lawak saringan. Idemolis na usab ang mga karaang lawak nga dili na luwas sa mga estudyante hinungdan nga nihimo una sila og temporaryo nga klasehan. Malaumon si Taran nga masugdan na gyud ang katukuran sa maong lawak saringan sa buwan sa Agosto ug mahuman aron aduna nay magamit.

Gilauman nga kini makatabang sa problema sa kakuwang sa lawak nunot sa pagsaka sa gidaghanon sa mga estudyante nga niabot na sa 1,007 gikan sa 984 sa nakalabay nga tuig.  -

/GMR) (BANAT NEWS)