Chicharonan nasunog

CEBU, Philippines - Maayong pagkapaig sa lutoanan og chicharon sa Top Hills Sitio Pilit, Barangay Cabancalan, dakbayan sa Mandaue kagahapon sa buntag human gidakop sa gilutoang kawa ang kalayo. Si Senior Fire Officer 3 Roy Garcia miingon nga gipanag-iya ni Magdalina Antolijao ang maong lutoanan og chicharon. Base sa imbestigasyon, nataligam-an ang usa sa tulo ka gitak-ang nga kawa ug dihang naughan og mantika gidakop kini sa kalayo. Nagtinabangay sa pagpawong ang mga tawo sa kalayo hangtud nga naabtan sa mga bombero. Wa hinuoy nasakitan sa maong sunog ug gibanabanang mokabat og P8 mil ang danyos niini. (BANAT NEWS)