Padung mosakay og jeepney gipatay
CEBU, Philippines - Usa ka lalaki nga padung mosakay og jeepney ang gipusil patay sa tawong bag-ohay pa niya nga gikaestorya sa daplin sa dalan sa miaging gabii diha sa Nivel Hills, Barangay Apas ning dakbayan sa Sugbo.
Giila ang biktima nga si Barry Ocoy, 36, nagpuyo ra sab sa maong lugar. Samtang padayon pa ang kapolisan pag-ila sa mamumuno ug sa motibo sa maong krimen.
Matud pa ni SPO4 Alex Dacua ang imbestigador sa Homicide Section sa Cebu City Police Office (CCPO) nakaestorya pa sa biktima ang mamumuno sa wala pa kini gipusil.
Ang suspek daling miikyas luwan sa motorsiklong gi-parking niini sa daplin sa dalan.
Naigo sa nagkadaiyang parte sa lawas ang biktima nga miresulta sa iyang kamatayon. Samtang upat ka basiyo sa bala sa kalibre .45 ug usa ka slug ang nakuha sa crime scene. (BANAT NEWS)
- Latest
