CEBU, Philippines - Gikompirmar sa Regional Epidemiology Surveillance Unit (RESU-7) nga sa dakbayan sa Sugbo dunay baynte ka kaso sa tipdas nga gikan sa nagkalain-laing barangay kini gikan sa buwan sa Enero ning tuiga. Matud ni Dr. Renan Cimafranca dunay posibilidad nga diha makuha sa Cebu Provincial Detention and Rehabilitation Center (CPDRC) ang tipdas nga posibleng gidala sa mga bisita nga moduaw sa mga inmates.
Gipadayag usab ni Cimafranca nga duna na usab bag-ong kaso sa tipdas diha sa selda apan ning tungora diha sa mga babayeng inmates maong gipa-isolate na kini dayon.
Una niini, daan nang nag-awhag ang RESU-7 sa mga personahe sa CPDRC nga wala una’y tugotang moduaw ug i-screen og maayo ang mosulod sa prisohan. (BANAT NEWS)