CEBU, Philippines - Hepe sa Regional Investigation Detection and Management Branch (RIDMB) 7 miangkon nga na-pressure sila karon tungod sa kamanduan gikan sa mga labaw nga paspasan ang imbestigasyon sa polis nga nakahimo og mga binuang.
Matud pa ni Superintendent Henry Biñas ang Deputy Chief sa RIDMB nga karong tuiga, sukad niadtong Enero hangtod karong bulana nga dunay upat ka polis ang taktakunon ug gipaubos karon sa summary dismissal proceedings.
Ang maong mga polis ang nadestino sa Metro Cebu giimbestigar gumikan sa paggamit og ilegal nga drugas ug ang uban absent without official leave o (AWOL). Sumala pa ni Biñas nga sa nakalabay nga tuig, duna’y siyam ka mga polis ang natangtang sa ilang serbisyo ug ang uban wala na g’yud nakabalik sa ilang serbisyo.
Si Biñas nagkanayon unta isipon kining leksyon sa ubang polis nga kinahanglang magtinarong sila sa ilang trabaho. (BANAT NEWS)