CEBU, Philippines - Ipadayon ang klase sa Busay Elementary School ug Busay National High School karong Hunyo 16 bisan sa barangay gym. Kini ang gibutyag ni Atty. Jose Daluz III, executive assistant ni Cebu City Mayor Michael Rama.
Gipasalig ni Daluz nga luwas ang maong gym samtang padayon ang pagbutang sa slope protection nga gikatakdang mahuman karong Domingo.
Ang slope protection gituyo aron pagpugong sa pagdahili sa yuta.
Matud ni Daluz nga dunay igong pondo ang kagamhanan sa dakbayan sa Sugbo alang sa pagtukod og bag-ong ekswelahan sa Barangay Busay.
Sumala ni Daluz nga may nakit-an na silang yuta alang sa pagtukod og bag-ong tunghaan sa Busay apan ang tag-iya tua pa sa laing nasud. (BANAT NEWS)