CEBU, Philippines - Si Mayor Cynthia Moreno sa lungsod sa Aloguinsan ug mga sakop sa Municipal Bids and Awards Committee (BAC) gikonbikto sa Sandiganbayan sa kaso nga pagpangawkaw.
Matud ni Associate Justice Efren dela Cruz, pangulo sa Sandiganbayan First Division, nga bug-at ang ebidensya nga nakahimo gayud og salaod ang mayor.
Ang mga sakop sa BAC nga namatud-an nga sad-an mao sila si Municipal Budget Officer Nonela Villegas, Municipal Agriculturist Marilyn Flordeliza, Municipal Assessor John Lim, Municipal Engineer Orven Nengasca, Municipal Civil Registrar Pepito Manguilimotan.
Apil nga gikonbikto mao ang duha ka utility workers nga sila si Gertrudes Ababon ug Emilia Luz Celis. Sila’ng tanan nangangkon nga wala gayud sila makahimo’g kalapasan sa Anti-Graft and Corrupt Practices Act.
Ang mireklamo mao si kanhi Konsehal Felimon Georsua nga namalit og construction materials nga wala pa mohimo og bidding sila si Moreno, apan ang mga sinumbong miinsister nga gituman nila ang lagda pagpalit nila og P1.1 milyones nga construction materials niadtong 2007.
Ang Sandiganbayan misilot kanila og pagkabilanggo gikan sa unom ngadto sa 10 ka tuig ug did-an na sila paghupot og pwesto sa kagamhanan. Sila si Mayor Moreno moapelar sa hukom sa Sandiganbayan. (/RUB)(BANAT NEWS)