Media gitudloan pagkupot og pusil
CEBU, Philippines - Gibansay-bansay sa PNP Provincial Intelligence Branch ang mga sakop sa media sa husto nga pagkupot og armas, target setting ug live firing alang sa self defense.
Dili tuyo ang pagpadala og armas kun dili aron mahibalo ang media kabahin sa gun-safety ug security.
“With the history of media killings in the past, this could help them in the future,†matud ni Supt. Rodulfo Albotra Jr., hepe sa PIB. Si Albotra midugang nga ang hustong training ug pagkat-on sa tukma nga paagi sa paggamit sa armas daku na kaayo og ikatabang dili lang sa mga sakop sa media lakip na usab sa ubang propesyon nga delikado. “Threat is always everywhere it is better if you are always prepare,†dugang ni Albotra.
Base sa Committee to Protect Journalist, aduna na’y 76 ka journalists ang gipatay sukad 1992.
Sa ilang statistics, 62 porsiyento ang gipatay may labot sa politika, 42 porsiyento may labot sa pagbulgar sa korapsyon ug 24 porsiyento pag-cover sa mga krimen.
Ang Maguindanao massacre ang nitala sa labing daghang sakop sa media ang nangamatay nga niabot sa 34 ka tawo. (BANAT NEWS)
- Latest
