P6 ra ang plete sa estudyante
CEBU, Philippines - Gipasidan-an karon sa Land Transportation Franchising and Regulatory Board-7 ang mga drayber paghatag gyud og diskwento sa mga estudyante sugod karong adlawa.
Si LTFRB-7 regional director Ahmed Cuizon miingon nga gisuspenso ang student discounts niadtong bakasyon, apan karong nibalik na ang klase ipatuman kini pagbalik.
Matud pang Cuizon mahimong ireklamo og overcharging ang mga drayber ug pamultahon og P1,500 matag kasaypanan, dako kini nga rason aron mangusog ang mga estudyante sa pagpasaka og reklamo batok sa mga bentahosong mga drayber.
Sa pagkakaron, ang minimum fare P7.50 apan tungod sa diskwento nga baynte porsiyento alang sa mga tinun-an P6 nalang kini.
Hangtud ning pagsulat sa balita way nadawat ang LTFRB-7 nga kamandoan gikan kang LTFRB chairman Winston Ginez nga mopahigayon og public hearing kalabot sa petisyon sa Cebu Integrated Transport Cooperative (CITRASCO) niadtong bulan sa Marso nga nangayo og P2.50 nga fare increase aron mahimo na kining P10 tungod sa kamahal sa spare parts. (BANAT NEWS)
- Latest
