CEBU, Philippines - Makigtagbo si Gob. Hilario Davide III sa mga namuyo sa luna sa probinsiya sa Sugbo nga kanhi nahimutangan sa mga buhatan sa Department of Agriculture sa rehiyon 7. Ang pangulo sa Squatting Prevention and Demolition Division, Anthony Loy Madrigal, miingon nga wala pay nituman sa ilang hangyo nga papahawaon na ang mga squatters sanglit gamiton na sa gobiyerno ang luna.
Nunot niini si Madrigal miingon nga maghuwat siya sa mando sa Legal Office sa sunod lakang nga himoon human sa pagpakigtagbo ni Davide kanila.
"I am waiting sa Legal Office sa ilang guidance kung unsay next step nga buhaton," matud ni Madrigal.
Gipahibawo siya ni Provincial Legal Officer, Atty. Orvi Ortega, nga nabasa na niya ang report ug mahibaw-an sunod semana ang ilang desisyon. (/GMR)(BANAT NEWS)