Squad leader sa NPA ug tulo ka sakop patay sa engkwentro

CEBU, Philippines - Upat ang patay, apil ang squad leader ug duha ang nasamdan sa New People’s Army (NPA) human sa engkwentro tali sa mga sakop sa  79th Infantry Battalion sa Philippine Army sa Tanjay, Negros Occidental.

Matud ni Lt. Jim Alagao sa Central Command,  nahitabo ang engkwentro niadtong Sabado sa hapon sa Sitio Patiwas, Barangay Sto. Niño, Tanjay, Negros Occidental samtang nagpatrolya ang kasundalohan. Sumala pa nga gi-ambush sa mga NPA ang mga sundalo apan nakabawos ang militar hinungdan nga misibog sila apan namatay ang gitumbok nga squad leader sa grupo nga si Diosdado Dacaldal, sa Sub Committee East Front nga lumad nga taga Sta. Catalina, Negros, napatay usab  si Felix Yanoc miyembro sa maong grupo ug laing duha ka wa pa mailhing mga rebelde samtang duha ang nadakpan human nangaangol. Nasamdan ‘sab sa engkwentro si Corporal Milbert Dapilaga.

Nakuha sa kasundaluhan sa lugar ang mga subersibong dokumento, usa ka handheld radio ug usa ka M16 rifle. (BANAT NEWS)