Illegal fishing hinayhinay nasumpo

CEBU, Philippines - Giangkon sa Provincial Anti-Illegal Fishing Task Force nga hapit na nila napuhag ang ilegal nga panagat sa lalawigan sa Sugbo.

Gipahibawo ni Anthony Loy Madrigal, hepe sa task force, nga 80 porsiyento na nilang nalimpyo ang mga grupo nga nalambigit sa ilegal nga panagat.

Kagahapon, gibuksan ang 1st Aqua-Marine Products Trade Fair sa Kapitolyo isip kabahin sa Anti-Illegal Fishing Consciousness Week ug Month of the Ocean.

Si Gob. Hilario Davide III miangkon nga naa gihapon ang illegal fishing ilabi na sa amihanang bahin sa probinsiya sa Sugbo.

Hinuon natagbaw ang gobernador sa report ni Madrigal.

Matud ni Davide nga kuwang ang mga tawo sa task force hinungdan nga nakig-alayon sila sa coast guard, Navy, kapolisan ug Bantay Dagat sa mga lungsod. (/GMR)(BANAT NEWS)