CEBU, Philippines - Mibisita sa opisina ni Gob. Hilario Davide III si Victor G. Garcia III ang Ambassador Extraordinary and Plenipotentiary of the Republic of the Philippines to the Russian Federation niadtong Biyernes.
Si Garcia mipahibalo kang Davide kabahin sa imbitasyon sa gobernador sa St. Petersburg sa Russia nga si Gov. Georgy Poltavchenko nga pasuroyon kini sa ilang probinsya.
Gani aduna may sister-province nga relasyon ang duha ka probinsya sa nagkadaiyang nasud.
Hinuon naghunahuna pa si Davide kung unsay maayong agenda nga iyang tuyoan og sanong ang maong imbitasyon, ug kung iyaha kini tumanon kinahanglang adunay maayong kaayohang makuha ang probinsya.
"Planuhon pa kung unsa programaha, klarohon pa unsay agenda sa akong official trip sa Russia," sigon sa gobernador
Ang pagduaw ni Davide sa St. Petersburg posibleng mahitabo karong bulan sa Septiyembre o Oktubre. (BANAT NEWS)