CEBU, Philippines - Giimbestigar na ang polis sa Bogo City nga buot unta “motilaw†sa batan-on’g masahesta nga iya’ng gipa-home service didto sa Barangay Polambato, dakbayan sa Bogo kaniadto’ng Domingo.
Ang 23-anyos nga therapist mireklamo batok ni PO1 Jeffrey Satera, 34, taga Barangay Polambato ug nadistino sa kapolisan sa Bogo. Gipasakaan na og kaso nga Acts of Lasciviousness ang mao’ng polis.
Iya’ng gipa-home service ang masahesta didto sa iyang panimalay kaniadto’ng Domingo apan buot unta niya nga pahimuslan. Si PO3 Rosalie Arnoco, Women’s and Children’s Desk officer, miingon nga samtang nagmasahe ang biktima gipangutana kini sa polis kung pila ang bayranan kun siya magpa- “extra service.â€
Diha’ng nagmasahe na sa tuong kamot sa polis ang biktima kalit niini’ng gibunlot ang kamot sa masahesta dayong gakos niini hinungdan nga napahigda ang masahesta sa salog ug dali kini nga gipatungan sa polis.
Ang biktima nanglimbasog hangtod nga siya nakalingkawas ug misutoy’g dagan gawas sa balay ug daling mireport ngadto sa barangay kapitan.
Si Supt. Rodulfo Albotra Jr., hepe sa Provincial Investigation and Detective Management Branch, miingon nga gawas sa kasong kriminal mag-atubang pa g’yud og kasong administratiba si Satera. (/RUB)(BANAT NEWS)