Sunog sa merkado sa Lapu-Lapu
CEBU, Philippines - Apektado ang walo ka stalls nga baligyaanan ug mga tsinelas ug uban pa nga dry goods sa merkado publiko sa dakbayan sa Lapu-Lapu atol sa sunog kagahapon sa hapon.
Matud ni FO3 Climaco Salisid nga ang maong stalls gama kini sa mga light materials hinungdan nga dali kaayo nga mikatap sa ubang stalls ang kayo.
Unom ka stalls ang naugdaw g’yud, samtang duha ang nakaangkon lang og kadaot.
Padayon pa nga gisusi kung unsay hinungdan sa pag-ulbo sa kayo nga nagsugod sa abandonado nga bodega sa maong dapit.
Nadawat sa kabomberohan ang alarma alas 2:45 kagahapon sa hapon nga gipaubos sa 2nd alarm ug nakontrolar tres minutos human sila makapasirit og tubig.
Walay naangol atol sa maong sunog gumikan sa pagtinabangay sa mga tenant sa maong dapit nga mapalong ang kayo samtang nagpadulong pa ang bombero sa maong dapit. (/RUB)(BANAT NEWS)
- Latest
