Ecleo giduhig sa ambush-slay ni Archival

CEBU, Philippines - Ang abogado sa banay’ng Archival nga si Gloria Lastimosa-Dalawampu nagkanayon nga walay igong basehan ang gipanulti ni Regional Highway Patrol Unit (RPHU)-7 chief, Police Senior Supt. Romualdo Iglesia nga nagduhig sa pangalan sa wanted nga si Ruben Ecleo, kanhi kongresista sa kamatayon ni Atty. Noel Archival. Matud ni Dalawampu nga inay tutokan ang depensa ni Iglesia mipakatap hinuon kini og mga impormasyon nga way basehan. Sa counter-affidavit ni Iglesia sa multiple murder ug frustrated murder nga gipasaka kaniya ug sa upat niya ka kauban nga sila si Police Senior Inspector Joselito Lerion, Chief Insp. Eduardo Mara, SPO4 Edwin Galan  ug PO1 Alex Bacani diha sa Cebu Provincial Prosecutor’s Office iyang gihisgutan nga sa imbestigasyon sa pagpatay ni Archival usa sa mga primary suspects ang kliyente niini nga si Ecleo ug ang akusado nga giingong usa ka drug lord nga mitaktak ni Archival isip manlalaban sa kaso niini. Matud ni Iglesia nga sa initial investigation sa maong kaso wala mahisgoti ang HPG-7 isip mga suspek sa ambush.

Matud ni Dalawampu nga dili siya makatubag sa pasangil ni Iglesia kabahin ni Ecleo, apan matud niya base sa imbestigasyon sa National Bureau of Investigation ug kapolisan migawas ang HPG-7.

Sa iyang bahin, ang pangulo sa SITG nga si Sr. Supt. Noel Gillamac mibutyag nga ang tanang ebidensiya nagtudlo sa HPG7. (BANAT NEWS)