CEBU, Philippines - Si Kongresista Gerald Anthony “Samsam†Gullas, Jr., sa unang distrito sa probinsiya sa Sugbo mipadayag sa iyang kabalaka niining paglakip sa iyang ngalan karon sa listahan ni Janet Lim-Napoles kabahin sa pork barrel scam. Kagahapon sa gipahigayong press-conference diha sa University of the Visayas, si Gullas miangkon nga na-emotional siya sa maong isyu ug gibati siya og kabalaka tungod kay ang mga sakop sa minority ug majority sa Kongreso kagahapon gikatakdang magpahigayon og press conference ug ang iyang pangalan maoy i-single-out nga gamiton sa pagkwestiyon sa kredibilidad sa maong listahan nga naglambigit sa mga Senador ug Kongresista sa pork barrel scam. Gibutyag ni Gullas nga sa maong isyu karon nakahuna-huna siya nga mo-resign na lang apan wala siya’y gibuhat nga dautan ug kinahanglang panalipdan niya ang iyang pangalan.
“Members of the minority and majority in the House akoa gyung name ang i-single-out and it’s my name that they will be using to question the credibility of that list which I believe is more dangerous for me…..I don’t know what will happen…. whoever put my name on the list will do everything they can do to prove me wrong,†ni Gullas pa. Si Gullas nanawagan usab nga dili siya hukman dayon kabahin sa maong isyu hangtud nga di mogawas ang kamatuoran. (BANAT NEWS)