CEBU, Philippines - Nailhan na ang babayeng may patik nga Dragon sa iyang likod nga gituohang gi-salvage diha sa Sitio Maaslom, Barangay Busay ning dakbayan sa Sugbo niadtong Mayo 11 sa kaadlawon. Giila ang maong babaye nga mao si Chuche Jaime, 27, dunay ka live-in partner, nagpuyo sa Sitio Lawis, Barangay Lorega, Cebu City, ug giingong mabdos og tulo ka bulan.
Ang inahan sa biktima nga si Josephine Jaime kuyog ang ilang pamilya ang mibisita sa St. Peter Funeral Homes ug ilang nakumpirma ang maong patay nga lawas.
Sumala pa sa inahan sa biktima nga katapusan nilang nakita ang biktima Mayo 10 sa gabii sa ilang lugar. Si SPO4 Alex Dacua ang imbestigador sa Homicide Section sa Cebu City Police Office miingon nga anggulo nga love triangle ug drugas ang ilang gitan-aw karon. Posibleng nadudahan nga “asset†ang biktima kay duna kini mga amigo nga polis, samtang posible ‘sab nga love triangle tungod kay bag-ohay lang kini mibuwag sa kanhi kapuyo. (BANAT NEWS)