CEBU, Philippines - Gipirmahan na ang kasabutan labot sa pagpatukod og classrooms sa Maya National High School sa lungsod sa Daanbantayan hulip sa giguba sa bagyong Yolanda.
Mikabat sa P3.4 milyones ang donasyon gikan sa Let's Help Philippines, Christ Leather Fashion, pamilyang Pesch ug Action Calligaro-Mueller family. Ang Ramon Aboitiz Foundation, Inc., Department of Education ug kagamhanan sa lungsod sa Daanbantayan ang mopatuman sa proyekto. Mapasalamaton ang mga magtutudlo nga mitambong sa pagpirmahay sa memorandum of agreement sanglit daku kini nga tabang sa ilang mga tinun-an. Nasugdan na pagpanday ang maong eskwelahan niadtong Mayo 7 ug gikatakdang mahuman karong Hulyo 25. (/GMR)(BANAT NEWS)