CEBU, Philippines - Gimando ni Senior Superintendent Noli Romana sa Cebu City Police Office ang paghipos sa mga libud-suroy sa kadalanan sa siyudad tungod sa mga pasangil nga nalambigit sila sa mga nanghitabong krimen. Ang Oplan Libudsuroy sa pagpangulo ni Chief Inspector Weldemar Tiu, ang hepe sa Waterfront Police Station ug ang Women’s and Children’s Protection Division sa CCPO uban sa hepe nga si Police Inspector Luzviminda Langbid. Sugod sa nakalabay nga adlaw nakahipos na sila og 55 ka mga hamtong ug 26 ka mga minor de edad. Matud pa ni Langbid nga kasagaran sa ilang nakuha nga mga libodsuroy gikan sa downtown area.
Gibutyag ni Langbid nga adunay lima ka mga menor de edad nga babaye ang giimbitar sa Theft and Robbery Section human nga gikatahapan nga naapil sila sa mga pagpangawat.
“Mao na man gyud na’y modus karon sa uban nga ginikanan nga manglimos ilang anak ug maapil sab sa mga binuang, uban gihimo na lang gyud nila nga ilang source of income,†matud pa ni Langbid. (BANAT NEWS)