CEBU, Philippines - Si Vice Governor Agnes Magpale dili mobutyag kung kinsa ang mga testigo batok sa giingong lider sa kulto nga si Casiano Apduhan kinsa gipasanginlang mitanggong sa usa ka 33-anyos nga babaye sulod sa lima ka tuig diha sa iyang balay sa Balamban.
“I don’t know if I should tell you beforehand but (ang mga witness) are very credible and dili hearsay…†sigon sa gobernador
Ang Provincial Women’s Commission (PWC) mupadala og 17 ka mga miyembro apil sa gibana-banang tulo ka witness ug mga polis nga ipadala sa Provincial Police Office alang sa pag-escort, kini aron malikayan ang gubot.
Giklaro sa gobernador nga dili angay kabalak-an ang pagbali sa biktima nga mipabor sa suspek tungod kay magtigi ra unya ang pamahayag sa mga testigo ug sa biktima atol sa husay.
Samtang, kagahapon misumitir ang kampo ni Apduhan alias Tatay Boy og motion for extension to file counter-affidavit alang sa tulo niini ka kaso nga gipasaka sa National Bureau of Investigation.
Matud ni Atty. Danilo Yap nga karon ang deadline sa filing sa ilang counter-affidavit alang sa kasong Murder, Child Abuse ug Expanded Anti-Trafficking in Persons Act.
“Tungod kay lisod ang pagpapirma sa counter-affidavit ni Apduhan kinsa na-detained karun sa Toledo City ug kinahanglan pa sad nga ipa-subscribed ang counter-affidavit nangayo mig ten more days to file counter-affidavit,†matud niya.
Gawas pa niini, gusto usab nilang mo-inhibit si state prosecutor Arnulfo Amodia sa pagresolba sa maong mga kaso ug i-remand kini sa Office of the Regional State Prosecutor, kini tungod kay mismo si Amodia mao ang nagrekomendar nga pasakaan og kasong serious illegal detention ug illegal possession of firearms si Apduhan ngadto sa korte ug duna na kini bias.
Miinsister si Yap nga inosente gyud ang iyang kliyente. (BANAT NEWS)