Akyat bahay nakaigo na ‘sab
CEBU, Philippines - Mokabat sa P80,000 nga kantidad sa mga butang ang nahanaw sa usa ka call center agent human ang panimalay nga iyang gipuy-an sa Mayol Compound, Barangay Alang-Alang, dakbayan sa Mandaue gisaka sa gidudahang mga miyembro sa “akyat bahay gang†alas-3 pasado ang takna sa miaging kaadlawon.
Si SPO3 Marcos Noval Jr. sa Investigation Detection and Management Bureau (IDMB) sa Mandaue City Police Office (MCPO) miila sa biktima nga mao si Benica Banluta Maringuran, 21, ug nagpuyo sa maong dapit.
Matud pa nga natulog ang biktima dihang nakasulod ang kawatan human giguba ang bintana sa luyong bahin sa balay.
Naglakip sa mahalon nga mga butang nga nasakiyo sa mga kawatan mao ang usa ka Apple i-phone 5 nga nagkantidad og P35,000.00 usa ka Samsung Tab 7 nga nagkantidad og P20,500, usa ka Torque Tab nga nagkantidad og P3,500, pitaka nga adunay sulod nga salapi nga P5,000.00, mga ATM ug ID card sa gitrabahoan niining call center.
Matud pa nga giteksan sa biktima ang mga kawatan pinaagi sa iyang cellphone ug misugot unta nga ulian kini og kwarta aron lang makuha ang iyang mahalong cellphone, apan wala mobutho sa gikasabotang lugar ang kawatan. (/EIM)(BANAT NEWS)
- Latest
