Balay sa mayor gilungkab, armas ug kwarta nasakiyo
CEBU, Philippines - Wala na gyuy giila ang mga kawatan karon, human nga gilungkab ang sakyanan sa asawa sa director sa kapulisan sa rehiyon 7, karon balay na sab sa usa ka mayor ang gikawatan.
Wala makabantay si Kauswagan, Lanao Del Norte Mayor Rommel Arnado, nga nasudlan na diay og kawatan ang iyang balay diha sa Sitio Babag II, Barangay Babag ning dakbayan niadtong Mayo 5.
Nakuha sa kawatan ang usa ka diamond ring, ladies watch nga nagkantidad P15 mil, Ipad nga nagkantidad og $700, Iphone P30 mil, .45 caliber pistol nga nagkantidad og $3,000 ug cash nga P15 mil.
Alas 5:30 na sa buntag nabantayan sa opisyal nga nawala na ang iyang mga mahalong gamit sa wala mailhi nga kawatan.
Sa pakighinabi sa Banat News ni Mayor Arnado kini miingon nga wala gyud siya makabantay nga gisulod na diay siya og kawatan, diha mismo sa iyang kuwarto kun diin siya natulog.
“Wala gyud ko kabantay nga gikawatan na diay ko, duol ra gyud sa akong gitulogan gipangkuha ang mga gamit, didto miagi sa balkon ang kawatan,†matud pa sa mayor.
Gidugang pa niini nga dili siya motuong inside job ang maong panghitabo.
Sa pakisusi sa TRS, gipugos og abli sa kawatan ang sliding door sa kwarto sa mayor dayon og kuha sa mga gamit. (BANAT NEWS)
- Latest
