CESET giitsahan og upos sa tanod
CEBU, Philippines - Ang mga sakop sa Cebu City Hall nga gitugyanan pagpanakop sa magpataka’g labay og mga sagbot gibugal-bugalan sa usa ka tanod sa Barangay Zapatera kay giitsahan hinoon sila og upos sa sigarilyo.
Wala g’yud hinoon mosipyat kay ang tanod nga si Gabilo Flores gidakop mismo ni Grace Luardo, hepe sa City Environment Sanitation and Enforcement Team (CESET) ug giisyohan og Citation Ticket.
Matud ni Luardo nga duha ra’y padulngan ni Flores nga kun dili siya mobayad og multa, pasakaan nila kini og kaso sa hukmanan tungod sa paglapas sa City Ordinance 1361.
Gihulagway ni Luardo nga abusado kaayo nga pagkatawo si Flores kay dihang giingnan nga dili ipataka og labay ang upos sa sigarilyo nga iyang gitabako atol sa Labor Day walk, giitsa hinuon tumong sa mga sakop sa CESET agi sa ibabaw sa iyang ulo.
“Patagmon g’yud nako ni’ng mao nga tanod,†matud ni Luardo nga napungot kaayo sa kaabusado ni Flores. Matud ni Luardo nga ang kapitan sa Zapatera wala g’yud molaban sa iyang kawani aron kini matudloan og leksyon. (BANAT NEWS)
- Latest
