CIDG mihimakak nga planted ang mga armas sa rebel leaders

CEBU, Philippines - Hugot nga gihimakak sa hepe sa Criminal Investigation and Detection Group-7 Sr. Supt. Ritchie Posadas ang pasangil sa kampo sa gipasanginlang lider sa Communist Party of the Philippine-New People’s Army nga magtiayong Tiamzon nga planted ang mga armas nga nasakmit gikan kanila atol sa ilang pagkasikop sa milabay’ng bulan sa Aloguinsan.

Matud pa ni Posadas sila ang gitahasan pag-imbentaryo sa mga nakuhang mga armas gikan sa magtiayong Benito ug Wilma Tiamzon nga giingong nakuha sulod sa duha ka sakyanan.

Ang CIDG-National Capital Region maoy nangulo sa maong operasyon ug gani duna silay mga hulagway ug video sa mga nakuha nga mga armas atol sa pagdakop kanila.

Matud pang Posadas katungod sa mga Tiamzon ang paghimo og mga rason sa ilang presensiya dinhi sa Sugbo. Ang mga Tiamzon nangangkon nia sila sa Sugbo aron susihon ang kahimtang sa mga nabiktima sa bagyong Yolanda. (/EIM)(BANAT NEWS)