Kasinatian ni Fr. Cimagala kang Blessed Pope John Paul II
CEBU, Philippines - Duha ka dekada na ang nakalabay sukad sa paghatag ni Pope John Paul II sa Holy Orders o pag-ordina ni Padre Roy Cimalaga ug sa 59 pa ka mga pari dihang unang miduaw sa Sugbo ang Santo Papa.
“When I felt his hands on my head, I felt great peace and joyâ€, matud ni Padre Cimagala.
Niadtong Mayo 26, 1991 o “Trinity Sunday†dihang gipahigayon ang ordinasyon ni Padre Cimagala uban sa kapin sa 34 ka pari gikan sa Opus Dei ngadto sa St. Peter’s Basilica sa Vatican City.
Nahinumduman pa ni Padre Cimagala nga gikapoy ug nangluspad ang Santo Papa atol sa prosisyon gikan sa entrada ngadto sa altar.
“He was dragging his feet. He just arrived from a trip to Portugal the day before,†matud sa pari.
Apan nabantayan ni Padre Cimagala ang sanag nga panagway sa Santo Papa diin nabalik na ang kaabtik ug kapula sa panagway niini dihang nagsugod na ang seremonyas sa ordinasyon.
Niadtong higayona sa iyang homiliya ang Santo Papa naghisgot kabahin sa pagkamatinud-anon ug manggihatagon sa pagka-pari.
Gihulagway ni Padre Cimagala nga ginerbiyos siya dihang nabatyagan niya ang kamot sa Santo Papa, kamot sa ubang Cardinal ug Arsobispo hinungdan nga hugot siya nga nag-ampo.
“I was in tears. I was saying to myself , “this is it, Roy. You better be goodâ€, paambit ni Padre Cimagala.
Gibutyag ni Padre Cimagala nga daku kaayo ang iyang kalipay dihang nakita niya ang iyang amahan ug igsuong babaye nga midawat sa kalawat gikan sa Santo Papa.
Human sa seremonyas, ang Santo Papa mi-greet tagsa-tagsa sa mga bag-ong naordinahang pari.
Usa sa dili malimtan ni Padre Cimagala dihang iyaha nang turno, kay ang tinan-awan sa Santo Papa ngadto kaniya , sama sa duna kini pangutana.
Matud ni Padre Cimagala nga posibleng nakita sa Santo Papa ngadto kaniya nga bata pa kaayo siya kay wala pa siya’y 40-anyos niadtong higayona ug yagpis siya og lawas ug hinayon.
Matud ni Padre Cimagala nga mipahiyom kaniya ang Santo Papa ug mitambag nga magmatinud-anon isip pari.
“I don’t remember now what I mumbled. I prepared something to say, but I forgot all of it when the time came. I just felt overwhelmed by his presence. I’ve seen him a distance many times but this was the first and only time I had direct contact with him,†paghinumdum pa ni Padre Cimagala.
Una mibiya ang Santo Papa, si Pope John Paul II misaad nga iampo siya niini.
“At the end, he talked to me as if he knew me all along. I have no doubt he is truly saint,†ni Padre Cimagala pa.
Ang canonization ni Pope John Paul II ug Pope John XXIII aron mamahimong mga santos himuon karong Domingo. (Brenda D. Batuto, gikan sa The Freeman/EIM)
- Latest
