Nanghinol og dalagita nasirad-an

CEBU, Philippines - Nadakpan ang usa ka tawo sulod sa lawak nga giestahan sa 15-anyos nga dalagita nga iyang gihinol ug lugoson unta human ang biktima kalit lang nga nahigmata ug nakadagan.

Didto kini mahitabo sa  Barangay Canduman, dakbayan sa Mandaue.

Si PO1 Maria Victoria Apal sa Women’s Desk section sa Presinto 6 sa  Mandaue City Police Office (MCPO) miila sa nadakpan nga mao si Junel Bellino, 26, ulitawo nga taga Barangay Tilhaong, Consolacion.

Matud ni PO1 Apal nga gisaka sa suspetsado ang dalagita nga natulog sa lawak sa ilang panimalay ug mitapad kini sa paghigda ug gikalingawan sa pagpanghikap ang pribadong bahin sa lawas, gihagkan ug gigakos pa gayud niini og piit.

Tungod sa gihimo sa suspetsado nahigmata ang dalagita ug sa hilabihan niining kahadlok  dali kining nakabangon ug midagan paingon sa gawas ug gi-locked ang pultahan.

Ang amahan sa biktima ug mga silingan nga gipangayoan og panabang sa biktima maoy nag-abli sa pultahan sa lawak sa panimalay ug wala na kini makalihok. (/RUB)(BANAT NEWS)