CEBU, Philippines - Gihimakak sa embahada sa Pilipinas didto sa Amerika ang taho nga mikatap sa mga social media sites sa internet nga wa na magkinahanglan karon og visa ang mga Filipino kun moadto kini sa maong nasud. Usa ka “satire†nga website ang mipagawas og article nga dili na kinahanglanon ang visa niadtong mga Filipino nga mobisita sa US.
Ang “satire†base sa Merriam Webster Dictionary, nangahulogang “a way of using humor to show that someone or something is foolish, weak, bad.â€
Apan wa kini masabti sa mga tawo ug gipasa-pasa gilayon ang maong artikulo sa mga social networking sites sa internet.
Miluwat og pamahayag ang embahada sa Pilipinas sa Washington D.C. nga nanghimakak sa maong taho nga mikuyanap sa internet.
Matud pa sa embahada sa Pilipinas nga ang US State Department mihimakak niini.
Matud pa sa embahada nga ang maong article usa ka “satire piece†ug dili angay nga tuohan.
Ang maong artikulo gipatik sa Adobo Chronicles nag-ingon nga: “Visas will no longer be required to travel to the United States. The policy to take the Philippines off the list of countries whose citizens are required to obtain visas for travel to the U.S. is effective immediately."
Bisan pa man og nabutang sa tag-line sa Adobo Chronicles ang pahibalo nga “best source of unbelievable news†daghan gihapong tawo ang nailad niini ug giseryoso ang maong artikulo nga gisaw-an kini og maayo sa internet. (BANAT NEWS)