CEBU, Philippines - Kapin sa P4 milyon ang nakuha sa wala mailhing kawatan nga mikuha sa koleksyon nga relo, camera ug alahas sa usa ka panimalay kansang tagbalay mibakasyon.
Ang biktima naila nga si Kate Anzani, 34, molupyo sa PC Hills, Lahug sa dakbayan sa Sugbo. Nadiskubrehan nila ang maong lungkab pasado alas-6 na sa buntag niadtong Sabado. Nasuta sa kapolisan nga ang mga kawatan nangatkat sa koral ug misulod sa bintana nga wa ma-lock.
Nakuha sa mga kawatan ang dose ka koleksyon nga relo nga mobalor og P4 milyones; usa ka camera nga P50 mil ang kantidad; ug usa ka box sa alahas nga mobalor og P200 mil. (BANAT NEWS)