WTCI gipasakaan og kaso sa CENRO
CEBU, Philippines - Mipasaka na og kaso ang DENR batok sa unom ka mga opisyal sa WT Construction Inc. ug sa project in charge niini tungod sa illegal nga pagpangtangtang sa mga tinanom nga kahoy sa center island sa S. Osmeña road project.
Ang gipasakang kaso mao kalapasan sa Section 3 sa Presidential Decree Number 953 batok nila ni Irene U. Te, president; Willy U. Te, vice president; Julie U. Te, secretary; Juanita Y. Te, treasurer; Mary Grace Y. Te; Mary Joy Y. Te; ug Adolfo V. Quiroga, project-in-charge sa WTCI.
Ang complaint sheet gipirmahan ni Anastacio Cabalejo, ang Community Environment and Natural Resources Officer sa Cebu City. Matud pa sa CENRO ang WTCI maoy responsable sa pagkahanaw sa maong mga kahoy.
"Logic dictates that it should be held responsible for the disappearance of these trees, for the awardee will be benefited by doing it, for it will expedite the completion of the project, and no one would ever dare to use heavy equipment or machineries to do such things without getting advantage thereof," sumala pa sa affidavit ni Cabalejo.
Gusto usab sa DENR nga i-require ang DPWH-7 pag-produce og 7,900 ka seedlings ug itanom kini hangtud nga mabuhi tungod kay base sa imbentaryo 79 ka punoan sa kahoy ang nawala ug bayran kini og tag 100 ka semilya kada usa. Kini maoy gihimong rekisitos ni DENR regional director Isabelo Montejo aron libkason ang cease and desist order nga iyang giisyu human madawat ang report nga nahanaw ang maong mga kahoy. (BANAT NEWS)
- Latest
