Traffic sa Gorordo

CEBU, Philippines -  Nasumpo na ang mga badlongon ug “wine lover” nga mga motorista nga sagad anha ra magparada daplin sa Gorordo Avenue atubangan sa wine shop kay ang City Traffic Operations Management (CITOM) kanunay’ng midestino og ilang traffic enforcers sa mao nga dapit.

Si CITOM operations officer Jonathan Tumulak miingon nga kanunayon nila sa pagdestino og traffic enforcers ang dapit unahan sa Lahug Elementary School nga anha magpunsisok ang mga motorista nga kustomer sa wine shop ug anha ra mo-parking daplin sa karsada.

Ang wine shop adunay parking space nga tua sa sulod nga bahin apan ang mga motorista mas gusto nga anha ra mo-parking daplin sa karsada nga nakapasuko sa ubang mga motorista nga anha mag-agian sa Gorordo Avenue.  (BANAT NEWS)