Polis ug militar mobantay sa Kadaugan sa Mactan
CEBU, Philippines - Kapin sa 400 ka PNP/AFP personnel ang ipakatap atol sa kasaulogan sa Kadaugan sa Mactan karong Abril 25 ngadto sa petsa 27 ning tuiga. Matud ni Superintendent Jonathan Abella, deputy director for operations sa kapolisan sa dakbayan sa Lapu-Lapu nga gawas sa mga polis, moabag usab pagbantay ang militar.
Ang Philippine Air Force ug Naval Forces Central (NAVFORCEN) misaad usab nga mopadala og 100 ka personnel nga moabag pagpatunhay sa kalinaw sa maong kalihukan.
Ang Kadaugan sa Mactan kon Battle of Mactan mao ang pagpasundayag linawas aron handumon pagbalik ang nabantog nga away sa mga sundalo nila ni Lapu-Lapu ug Magellan kaniadtong 1521.
Ang tulo ka kalihukan mao ang Food Festival sa mga hotel, restaurant ug resorts sa dakbayan sa Lapu-Lapu, Kadaugan Street Party ug ang actual nga re-enactment sa Kadaugan sa Mactan.
Samtang gipahibalo ni City Traffic Management System director Frank Brazil nga sugod sa alas sayes sa buntag sa Abril 25 hangtud na sa buntag sa Abril 28, siraduhan na ang ML Quezon avenue gikan sa unang taytayan hangtud na sa 2nd bridge.
Dunay mga Closed Circuit Television (CCTV) camera nga ipakatap sa rota sa Kadaugan Street Party. (/BDB)(BANAT NEWS)
- Latest
