Day care center gidonar sa NGO diha sa relocation site

CEBU, Philippines - Gi- turnover kagahapon ang bag-o ug labing unang gitukod nga Green Day Care Center sa sulod sa 6.5 ektaryang relocation site  diha sa barangay Paknaan, dakbayan sa Mandaue.

Ang maong proyekto natukod gamit ang pundo gikan sa donasyon ubos sa joint project sa Cebu Contractor’s  Association (CCA) ug Philippine Institute of Civil Engineer’s Association, (PICA)   Cebu Chapter.

Si Engineer Paul Dy, presidente sa CCA ug Engineer  Jessie Toledo, presidente sa PICA,  maoy mipasa sa maong edipisyo kang Mayor Jonas Cortes ug Bise Mayor Glenn        Bercede.

Si Toledo nga nahinabi sa mga tigbalita miingon nga ang maong proyekto masudlan og 30 ka mga bata. Gihangop usab kini ni Paknaan barangay Kapitan Malaquias Soco.

Nagkantidad lamang og P600,000  ang maong building apil na mga gamit niini. (BANAT NEWS)