CEBU, Philippines - Usa ka Maranao nga dispatser ang gipusil patay sa wala mailhing tawo diha sa Forbes Bridge sa barangay Pasil sa dakbayan sa Sugbo pasado alas 5:00 sa miaging hapon.
Ang biktima naila nga si Rhoxhalem Dimaporo Oguimas, 30, lumad nga taga Marawi City apan nagpuyo sa barangay Kamagayan sa dakbayan sa Sugbo.
Base sa imbestigasyon sa Homicide Section nga ang biktima kuyog sa iyang higala nga naila lang sa ngalan nga “Aki†padulong sa sulod nga bahin sa barangay Pasil. Apan pag-abot sa nahitaboan duha ka mga lalaki nga nagsakay og motor ang miabot ug mipusil sa biktima sa makausa lang ka higayon diha sa buko-buko ug dali nga mipasirit palayo.
Ang biktima dali nga gidala sa Vicente Sotto Memorial Medical Center apan pipila ka oras ang milabay namatay kini. Ang kapolisan sa San Nicolas Police Station pinangulohan ni SPO2 Francisco Balansag nakarekober og usa ka kabhang sa kalibre .45 sa crime scene. Wa pa matino ang motibo sa pagpusil patay sa biktima. (BANAT NEWS)