CEBU, Philippines - Mireklamo ang usa ka barangay konsehal kabahin sa wa pagtuman sa usa ka “City Parking Services†sa pagsunod sa City Ordinance No. 2326.
Mipadala og suwat si barangay Konsehal Edwin Yutico sa barangay Pari-an ngadto sa opisina ni Konsehal Alvin Dizon aron sa pagsumbong nga gipangayoan siya og bayad nga P25.00 sa iyang pag-parking sa maong establisamento.
Matud pa niya, kini bisan gipakita niya ang iyang identification card nga siya usa ka senior citizen.
Ang City Ordinance No.2326, usa ka ordinansa nga naghatag diskwento sa mga senior citizen ingon man sa mga dunay kabilinggan sa panglawas nga makapahiluna sa ilang mga sakyanan nga walay bayad sa mga malls, ospital ug nagkadaiyang mga establisamento.Kun mapamatud-an nga milapas ang cashier o booth attendant sa maong ordinansa mahimo siya silotan ug pamultahon og P500.00 o pagkapriso sud sa usa hangtud sa traynta ka adlaw.
Giawhag ni Yutico ang konsehal isip usa sa mga nangamahan sa maong ordinansa nga mahatagan kini og pagtagad ug mabadlong ang mga malapason niini. (BANAT NEWS)