Road rehab sa Mabolo magpadayon

CEBU, Philippines - Magpadayon ang P289 milyones nga road rehabilitation project sa Sergio Osmeña Boulevard, Cebu City bisan pa man sa cease and desist order (CDO) sa Department of Environment and Natural Resources (DENR-7) nga giisyu ni Regional Director Isabelo Montejo.

Ang tigpamaba sa DENR-7 nga si Eddie Llamedo miklaro nga ang CDO nag-cover lang sa earthballing sa mga kahoy diha sa naasoy nga proyekto sa Department of Public Works and Highways (DPWH-7).   Sigon pa ni Llamedo nga gipahunong nila ang earthballing hangtud nga makit-an ang maong mga kahoy nga gitanom kaniadto sa center island sa maong kalsada nga ilaha nang gipanglarot.

Kini subay sa paglapas sa DENR sa duha ka kondisyon sa eartballing permit nga giisyu sa ilang buhatan niadtong Marso 24 ning tuiga.

Matud pa wa motuman ang nagtrabaho sa maong dalan nga kinahanglang dunay superbisyon sa DENR ug sa Parks and Playground sa Cebu City ang earthballing sa maong mga kahoy ug pagbalhin niini sa replanting site nga mao ang barangay Lorega triangle, Mahiga creek ug San Pedro Calungsod shrine.

Giklaro hinuon niini nga kapin sa 80 na lamang ka punoan sa kahoy ang ila pang gipangita. Giandam na sa DENR legal division ang pagpasaka og kaso niadtong mga nakalapas sa pagtuman sa balaod sa kalikopan. (/EIM)(BANAT NEWS)