CEBU, Philippines - Ang Board of Directors (BOD) ug ang mga ginikanan sa 4th year sa Sto. Rosario National High School sa Barangay Rosario, Aloguinsan mihimakak nga pinugsanay ang pagpangayo nila og amotan gikan sa mga mogradwar nga tinun-an.
Si Leonardo Campanilla, presidente sa Parents Teachers Association (PTA) miingon nga nasabotan g’yud sa ginikanan nga mag-amot sila og ‘tag P250 aron makapahigayon sila og mabulokon nga gradwasyon sa ilang mga anak.
Matud ni Campanilla nga ang school principal nga si Rosalito Baritua mipasidaan pa man gani nga wala kini itugot kanila sa kadagkoan sa Department of Education (DepEd) apan miinsister g’yud ang mga ginikanan.
Adunay usa ka ginikanan nga mireklamo sa Banat News pinaagi sa lindog ni Jun Veliganio nga “Mr. Barangay†ug namasangil nga ilegal ang pagpangolekta og tag P250 sa mga opisyal sa tunghaan.
Si Campanilla mipatawag og tigum sa mga ginikanan sa tinun-an nga mogradwar karong adlawa sa high school ug gitataw nila nga ilang gikauyonan nga moamot sa mao nga kantidad ug wala sila gipugos. (BANAT NEWS)