CEBU, Philippines - Gitugotan na ni Cebu City Mayor Michael Rama ang pagpanangtang sa mga giingong walay pagtugot nga mga Closed-circuit television (CCTV) cameras nga gibutang sa mga publikong lugar dinhi sa dakbayan sa Sugbo.
Si City Councilor Dave Tumulak nga usa sa mga nangusog sa maong lakang miingon nga kagahapon sa buntag aduna sila’y nabantayan nga kinse ka CCTV cameras nga walay pagtugot sa kagamhanan sa siyudad. Wala pa kiniy labot sa laing tulo nga ilang nakit-an sa niaging mga adlaw.
Dugang niya ilang hatagan og igong panahon ang mga tag-iya niini sa pagpanangtang o sa pagpahibaw sa siyudad.
“Og kinsa ning mga CCTV cameras at least makatabang ni sila. Og private individuals ni sila mas maayong mo-report sa atong command control center para dili nato sila mapasanginlan nga dautang tawo,†matud pa sa konsehal.
Sumala pa ni Tumulak dako kaayo og ikatabang kontra krimen ang maong mga cctv apan magamit usab kini sa mga dautang tawo pag-monitor sa kalihokan sa kapolisan ilabi na panahon nga duna silay respondehan. /EIM (BANAT NEWS)