CEBU, Philippines - “Nothing obscene and nothing illegal.†Kini maoy depensa sa kampo ni Bella Ruby Santos, kinsa usa sa gipasanginlang mi-kidnap sa 6-anyos nga si Ellah Joy Pique kansang patay’ng lawas napalgan sa bung-aw niadtong 2011.
Ang pamahayag gibuhian ni Atty. Rameses Victorious Villagonzalo ug Atty. Julius Caesar Entise human sa viewing sa USB nga nakuha gikan sa balay ni Santos sa Inayagan, Naga City.
Matud pa sa duha ka abogado ngadto sa media walay pornographic pictures nga nakita sa flash drive nga gitan-aw sa chamber sa presensya ni Judge Ester Veloso sa Regional Trial Court Branch 6, Prosecutor Jerome Abarca sa prosecution ug nila ni Villagonzalo ug Entise sa depensa. Si Villagonzalo miingon nga si Roberto Presbitero, nga usa ka computer technician maoy tag-iya sa USB flash drive ug dili ang iyang kliyente. Si Presbitero giingong technician ni Santos.
Ang sud sa flash drive, matud pa sa defense counsel nga mga pictures ug 2X2 pictures kay si Presbitero nanginabuhi man usab sa pagpangodak. Sila si Villagonzalo ug Entise nagkanayon nga mo-file sila og demurer to evidence kay insufficient ang ebidensya sa prosekusyon.
Samtang si Abarca mibutyag sa media nga katungod sa depensa ang mo-file og demurer to evidence. Dili na usab sila mopresentar og witnesses ug makigtagbo siya sa panel. Human sa viewing sa flash drive mosumitir sila og formal offer of exhibits.
Si Santos sa iyang bahin mibutyag sa media nga gusto niya nga mahuman na ang kaso. Karun matod pa niya, at peace na siya ug busy sa pag- eskwela og caregiving and cosmetics. Na-busy usab siya sa organisasyon nga iyang giapilan sa simbahan, ang Divine Mercy.
Kahinumduman nga si Ellah Joy Pique gikidnap niadtong Pebrero 8, 2012 samtang padung na pauli gikan sa Calajo-an Elementary School. Pebrero 9, nakit-an ang iyang lawas gilabay sa Barili. Si Santos nagpabilin nga gawasnun human gitugutang makapiyansa sa kasong kidnapping with homicide sa korte tungod sa kahuyang sa kaso batok niini bisan usa kini ka non-bailable offense. (/EIM)(BANAT NEWS)