CEBU, Philippines - Samtang gipaabot pa ang korte pagresolba sa bag-ong mosyon sa apelar sa mga residenteng apektado sa demolisyon sa sitio San Miguel, Apas, dakbayan sa Sugbu, nanawagan si Kapitan Ramil Ayuman nga pangitaan na sa gobiyerno ang problema sa illegal squatting sa nasud.
“Naa’y Urban Development and Housing Act (UDHA) and housing agencies nga mo-address, but wa ju’y political will ang gobiyerno. Hangtud karon di gihapon sila magkatakdo sa ilang direction,†pagsaway pa ni Ayuman.
Sa Apas pa lang, si Ayuman daghang “illegal squatters†sa sitio San Miguel gawas sa lots 942 ug 947 nga nakontrobersya karon.
Si Ayuman miangkon nga wala siya’y gahom pagresolba sa maong isyu apan mas adunay labaw pa kaniya nga angay untang mohusay niini.
“Barangay Apas Housing Committee, naa ta ana, pero on the national level unta klarohon unta nila kay pirme sa ubos (residente) ang maigo,†matud pa sa barangay kapitan.
Kung siya ang pabut-on, mas gusto niyang ipahiluna ang tanang informal settlers sa mga lote nga gipanag-iya sa gobyerno dinhi sa dakbayan. Ang kagamhanan sa dakbayan wala pay relocation site nga mahatag sa 157 ka pamilya nga apektado sa demolisyon. Ugmang adlawa, si Regional Trial Court Branch 9 Judge Alexander Acosta moresolba sa motion for reconsideration nga giapelar sa mga residente. - /EIM (BANAT NEWS)