CEBU, Philippines - Kritikal ang kahimtang sa maguwang nga lalaki human kini unaya sa pagdunggab sa iyang manghod nga lalaki sa Upper Guiwanon, barangay Poblacion, lungsod sa Compostela niadtong Huwebes sa gabii. Ang biktima mao si Epifanio Cabillon, 42, nakaangkon og samad dinunggaban sa kalawasan human gidunggab sa iyang manghod nga si Michael Cabillon, 35, pulos nagpuyo sa maong dapit.
Si SPO2 Pedro Enriquez sa kapolisan sa maong lungsod miingon nga hubog ang biktima nga nakiglalis sa inahan maong gibadlong sa igsuon apan misangpot sa ilang sinumbagay ug nadunggaban sa manghod
Ang biktima gihatud ngadto sa Danao District Hospital apan gibalhin kini ngadto sa Vicente Sotto Memorial Medical Center sa dakbayan sa Sugbo. Si Michael boluntaryo kining mitahan sa iyang kaugalingon ngadto sa kapolisan. - /BDB (BANAT NEWS)