Ang asin para sa hayblad

CEBU, Philippines - Gibanabana nga 60 % sa mga tawo karon nagbaton og sakit sa hayblad, nga ang hinungdan kay hilabihan kaayo kahimarat. Sa ato pa, kun mas daghan ang makaon mo’g asin, mas mosamot ang imong hayblad. Kun dili gyud kalikayan, hingasin ka gyud, sagad sa mga doktor, morekomendar nga limitahan ang pagkonsumo sa asin kada adlaw ngadto sa 2,000 mg(milligrams) o tunga (½) sa kutsarita lang. Kay ang sobra na niini mao may makapahayblad.

Sagad sa asin nga atong nakaon, anaa na’y gisambog nga palami o gihimong preserbatibo diha sa giprosesong mga produkto sa pagkaon. Ilabi na sa mga fastfoods. Hinuon makapili man kita nga inig kaon kun unsa ka parat ang pagkaon aron dili kita masugamak aning sakita nga ginganla’g silent killer, kay mora’g wa kay mabati nga sintomas bisa’g nahayblad ka na. Mokalit  ka lang kahagba. Busa ampingi ang estilo sa kinan-an nga mohimsog gyud ang lawas mo.

Ang lemonsito juice, suka sa lubi, camias o iba, mga herbal ug ang balsamic o apple venegar, maoy mga lamian sad nga hulip sa pagkahingasin. Makaminus ni kanimo paggamit sa asin samtang naglimitar ka sa parat. Apan kun dili ka makahimo nga makontrol mo ang asin, adunay asin sa lamesa nga minus sa sodium. Kining asina nagbaton la’g 50% nga sodium kay sa ordinaryong asin sa merkado. Mao kini ang “Cardia Salt” nga anaa na sa mga botika o healthstores.

Ang Cardia Salt adunay sambog nga potassium ug magnesium. Duha ka minerals nga kinahanglan sa tawo para di mahayblad. Makapaubos kini sa systolic ug diastolic presyur sa dugo. Matud sa nakagamit ani, mas nindot ni sa ubang alternatibo kay mora’g tinuod nga parat sa asin, unya di pa makahayblad.

Si Dr. Paul K. Welton, Dean of the School of Public Health at Tulane University, maoy usa sa nagtuon aning Cardia Salt. Niya pa, sa daghang tawong gihayblad nagtuo siya nga angCardia Salt may dakung kalainan o mas epektibo nga regular manormal o makontrol gayud ang presyur sa dugo. Kun sensitibo ka sa parat o natural nga asin ug hayblad ka na, mas maayo ang pagkao’g diotay lang asin, gamay nga lakang kini nga maghatag dakong kaayohan sa panglawas mo. Pakigkitai ang doctor mahitungod sama ihatag nga benepisyo sa Cardia Salt. Aron sad maseguro ang kahimsog sa panglawas mo.  (BANAT NEWS)