CEBU, Philippines - Mga kawani sa Cebu City Hall nga dili motambong sa flag raising ceremony mata’g Lunes sa buntag palagputon sa trabaho ni Mayor Michael Rama.
Usa ka kawani sa konsehal sa dakbayan sa Sugbo mitug-an nga nasuko si Rama kay iyang namatikdan ang mga empleyado nga tua lang sa daplin nagtext-text, nagtabi ug dugay nangabot atol sa flag ceremony gahapon.
Matud pa nga ang masuk-anong mayor mipatawag sa mga empleyado duol sa platform, giyawyawan ug gikasab-an sud sa mga tunga sa oras.
Ang mga kawani nalipay pa sa sinugdanan nga gipaduol sila sa mayor kay pagtoo nila nga ipahibalo na nga hatagan sila og anniversary bonus, apan kasaba ang ilang nadawat.
Matud ni Public Information Officer (PIO) Florito Carlo Dugaduga nga gipa-recite ang mga empleyado og “tul-iron ang hiwi, wagtangon ang baho, limpyohon ang hugaw, nindoton ang bati..â€.
Ang mayor mitahas ni Dominic Diño, hepe sa personnel department nga mokuha og video sa oras sa flag raising ceremony aron masuta gyod kinsa kadtong dili seryoso.
Apan ang Executive Assistant sa mayor nga Joey Daluz III dali nga midepensa ni Rama pinaagi sa pag-ingon nga gipahinumdoman lang ang mga kawani sa mayor nga dili tukma ang ilang gihimo. (Kristine B. Quintas/RUB)
Alvin midonar sa pagpatukod sa CCMC
Si kanhi mayor Alvin Garcia midonar og P25,000 alang sa pagpatukod sa bag-ong Cebu City Medical Center.
Personal nga gitunol ni Garcia ang kantidad kagahapon ngadto ni Mayor Michael Rama. Ang kanhi komisyoner sa National Labor Relations Commission (NLRC) nga si Amorito Cañete midonar usab og P25,000.
Si Garcia ug Cañete nagkanayon nga personal nilang kwarta ang ilang gipangdonar aron ikadugang sa pagtukod og bag-ong ospital sa dakbayan.
“Medyo sakit-sakit na ‘gyud sa bulsa ang maong kantidad but the hospital can benefit everybody,†matud sa kanhi mayor.
Iyang gipasabot nga ang pagtabang sa dakbayan dili ang paghatag og kwarta sa mga makililimos kun dili tabangan kini nga mapadali ang pagtukod sa bag-ong CCMC.
Si Garcia nga nahimong mayor sa dakbayan gikan sa 1995 hangtod 2001, nagkanayon nga gusto nilang tabangan si Rama tungod kay nag-inusara lang ang mayor sa proyekto ug wala’y tabang gikan sa nasudnong kagamhanan. (/RUB)(BANAT NEWS)