Dugang cartographic sketches gipahimo sa TF Archival
CEBU, Philippines - May dugang duha ka cartographic sketches ang Special Investigation Task Group Archival sumala pa sa hepe sa Provincial Intelligence Branch sa Cebu Provincial Police Office Supt. Rodolfo Albotra.
Si Albotra nagkanayon nga ang dugang facial composites gisuspetsahan nga may kalambigitan sa pagbanhig kang Atty. Noel Archival ug sa mga kaubanan niini sa Dalaguete.
Dili lang usa kondili daghan ang lead nga gisubay sa task force apan gihinay-hinayan na nila og hashas aron matino kun kinsa gyu’y responsable sa maong ambush.
“We are looking for all possible angles, digging all possible motives…and looking for several leads,†sumala pa ni Albotra.
Gihangop usab ni Albotra ang tabang gikan sa NBI apan wala pa sila makadawat og official communication kalabot niini.
Dugang ni Albotra nga dili makalawgaw sa imbestigasyon kun daghan na ang magtinabangay.
Samtang ang regional director sa NBI nga si Antonio Pagatpat mibutyag nga gisugdan na nila ang ilang imbestigasyon. Ang NBI nagtukod og eight-man pinangulohan sa mga abogado nga sila si Renan Oliva ug Erme Monsanto nga motutok sa kaso.
Matud pang Pagatpat nga kinahanglan nga ang NBI makig-coordinate gyud kanunay sa PNP niini nga kaso.
“We will be conducting a parallel investigation. Though we will be having a separate investigation with the PNP, there is still a sharing of information with them…comparing notes with them,†matud pang Pagatpat sa pinulongang Filipino.
Si Pagatpat bukas usab sa mga sugyot nga magbutang og reward money alang sa makahatag og impormasyon kay matud niya dako gyud kini og ikatabang sa imbestigasyon.
Matud pa niya nga base sa ilang pagtan-aw organisado ug sakto og pundo ang grupo nga mi-ambush patay nila ni Archival ug sa mga kaubanan nga sila si Candido Miñoza ug Alejandro Jayme nga miangol usab ni Paulo Cortes diha sa Barangay Coro, Dalaguete niadtong Pebrero 18. (BANAT NEWS)
- Latest
