Gullas gimingaw apan di mobalik sa kongreso
CEBU, Philippines - Si kanhi kongresista Eduardo Gullas sa probinsiya sa Sugbo mibutyag nga gimingaw siya sa iyang gimbuhaton pagka-kongresista kaniadto apan giklaro niya nga ang iyang apo nga si Gerald Anthony “Samsam†Gullas, Jr. gihapon ang magpapili sa sunod eleksiyon sa 2016.
Niadtong Martes sa pagbukas sa usa ka lawak sa museum sa dakbayan sa Carcar , giklaro ni Gullas nga siya maoy mitambong sa kalihukan tungod sa hangyo ni Samsam kay ang iyang apo mitambong kini sa kalihukan ngadto sa Kapitolyo sa kasaulogan sa EDSA People Power Revolution kay ang presidente sa nasud ang mitambong. Gipasabot ni Eddiegul nga ang iyang gihimo mao lang ang pagsanong sa sugo sa iyang apo ug wala siya’y planong mobalik sa kongreso.
Apan matud ni Eddiegul nga dili pa usab masiguro nga si Samsam gihapon ang pili-on sa mga tawo sa unang distrito.
“It depends upon the people of the district and it’s not for us to say just because you are elected once you are good for three terms,†pasabot sa kanhi kongresista.
“ I have no plans, right now I’m so happy at the UV, patid-patid sa UV samba kada adlaw and then help after all education is still public service,†matud usab ni Eddiegul. Apan giangkon niya nga gimingaw siya sa iyang naandang gipangbuhat dihang usa pa siya ka kongresista apan nakita niya nga maayo ang labok sa iyang apo.
Dugang ni Eddiegul “ I would be a hypocrite if I say no that I did not missed it pero you just have to go on and I think Samsam… forgive me for saying this he is doing well.†(BANAT NEWS)
- Latest
